LIGHTINDARK


 
مكتبة الصورالرئيسيةالبوابةاليوميةس .و .جبحـثالتسجيلالأعضاءالمجموعاتدخول


شاطر | 
 

 بحبك يا ريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sameh samir



المساهمات : 132
تاريخ التسجيل : 21/03/2008

مُساهمةموضوع: بحبك يا ريس   الثلاثاء مارس 25, 2008 2:33 am



واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين





كان فى سرير المرض حينما أخذ يلقى بوصاياه الأخيرة
لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
( ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلا






كان حسني مبارك بيخطب في الشعب .. فكل شويه واحد يقوم ويقول
عاش حسني مبارك موحد الاديان ويقعد
يروح حسني مكمل كلامه وشويه ويقوم الراجل
ويقول عاش حسني مبارك موحد الاديان
فااتمسك امن دوله وطااااااااخ ويقولوله ايه الي انت
بتقوله دا ازاي موحد الاديان
دي مصر فيها مسيحين ويهود ومسلمين وطااااااخ
فرد عليهم يا باشا ماهوه اللي مكفرنا كلنا





بيقولك واحد تانى لقى الفانوس السحرى ودعكه طلعله العفريت
وقاله:شبيك لبيك تطلب أيه؟
قاله الراجل: أنا عايز كوبرى بين القاهره وأسوان
العفريت قاله: دى صعبه قوى .. نقى حاجه تانيه
الراجل قاله:خلاص خلى حسنى مبارك يسيب الحكم
العفريت قاله:أنت عايز الكوبرى رايح جاى ولا رايح بس




إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ






بيقولك حسني مبارك جاب كرتونة فيها كتاكيت واداها لجمال وقال له فضي الكرتونة
جمال فضى الكرتونة
حسني مبارك قال له امسك الكتاكيت وحطها في الكرتونة تاني
طبعا الكتاكيت طلعت تجري وكل كتكوت راح في اتجاه ومعرفش يمسكهم
ابوه قال له استني
ومسك الكتاكيت واحد واحد وحطهم في الكرتونة وقال له بص
وقعد يرج في الكرتونة جامد لحد مالكتاكيت داخت
قاله خد بقى الكرتونة وفضيها
فضى جمال الكرتونة
ابوه قال له
رجع الكتاكيت في الكرتونة
ها عرفت ازاي تمسك الكتاكيت





بيقولك حسني كان عاوز يغيـر دولارات و مش لاقي في السوق , فراح منادي عاطف:
مفيش دولارات في السوق ليه يا ابن الهرمه ؟ -
عاطف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
عاطف:يا باشا .. ازاي بس -
اتصرف -
بعد يومين رجع عاطف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed
Admin
Admin
avatar

المساهمات : 192
تاريخ التسجيل : 25/12/2007

مُساهمةموضوع: رد: بحبك يا ريس   الأربعاء مارس 26, 2008 2:22 am

شـــــــــــــــــــكــــــــــــــــــــــــرااااااااا

_________________



منتديات ضوء فى الظلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lightindark.firstgoo.com
 
بحبك يا ريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
LIGHTINDARK :: يالا بينا نروح في داهية-
انتقل الى: